لاہور (این ایل آئی) خیبرپختونخوا کے وزیراعلیٰ سہیل آفریدی نے الزام عائد کیا ہے کہ انہیں پنجاب پولیس نے مبینہ طور پر حراست میں لیا اور بعد ازاں لاہور کی ایک سڑک پر چھوڑ دیا۔ یہ واقعہ ایسے وقت میں سامنے آیا ہے جب وزیراعلیٰ پنجاب میں جاری سیاسی سرگرمیوں کے سلسلے میں لاہور پہنچے ہوئے ہیں۔
وزیراعلیٰ کے الزام کے بعد معاملہ سیاسی طور پر مزید حساس ہوگیا ہے۔ دوسری جانب پنجاب حکومت اور پولیس کی جانب سے واقعے کے مختلف پہلوؤں پر مؤقف سامنے آنے کی اطلاعات ہیں۔
سہیل آفریدی نے پنجاب میں اپنی سیاسی سرگرمیاں جاری رکھنے کا اعلان بھی کیا ہے، جس کے باعث صوبائی حکومتوں کے درمیان پہلے سے موجود سیاسی تناؤ مزید بڑھنے کا امکان ہے۔