شاہد آفریدی کا سرکاری اسپتالوں اور تعلیمی اداروں کے معیار پر سوال

قومی کرکٹ ٹیم کے سابق کپتان شاہد آفریدی نے سرکاری اسپتالوں اور تعلیمی اداروں کے معیار پر سوال اٹھاتے ہوئے کہا ہے کہ اگر یہ ادارے واقعی بہترین سہولیات فراہم کرتے ہیں تو اقتدار میں بیٹھے افراد اپنے بچوں کو وہاں کیوں نہیں بھیجتے؟

ایکس پر جاری اپنے بیان میں شاہد آفریدی نے اسلام آباد کے پمز اسپتال میں 14 بچوں کی اموات کا حوالہ دیتے ہوئے کہا کہ واقعے کی انکوائری رپورٹ سامنے آچکی ہے، متعلقہ افسران کو معطل جبکہ ان کے خلاف فوجداری کارروائی کا حکم بھی دیا گیا ہے۔

انہوں نے کہا کہ تاہم کوئی بھی کارروائی ان معصوم جانوں کو واپس نہیں لا سکتی۔

شاہد آفریدی کا کہنا تھا کہ ہر پاکستانی صحت اور تعلیم کے یکساں معیار اور سہولیات کا حقدار ہے۔